الدكتور عبد الله الصائغ

تعرض الصديق الحبيب عريان سيد خلف الى حادث سير وقد شاء الله ان ينجيه وسينهض من جراحاته سريعا فكل قلوبنا تصلي من اجله وربطتني بالشاعر عريان سيد خلف مودة وكان يزور مجلسي في شقتي بالكاظمية ساحة الزهراء وكان ضمن الذين يحضرون الصديق والشاعر الكبير الدكتور علي العلاق! وحين زار مشيغن كانت لنا لقاءات استعرضنا فيها ذكريات الزمن الجميل ولولا الفنان الكبير الدكتور عبد المطلب السنيد عافاه الله لما علمت بقدوم عريان سيد خلف! كانت لقاءاتنا وقتها لقاءات محبة!

انهض من كبوتك ياسيد عريان سيد خلف فالعراقيون يبنتظرون عودتك قريبا!
سيد خلف. عريان السيد خلف: شاعر شعبي عراقي معاصر تميز بالصور الشعرية المبتكرة:
الشاعر: عريان السيد خلف ولد في قلعة سكر على ضفاف الغراف، بدأ النشر مطلع الستينات.
اصدر اكثر من ستة مجاميع شعرية.

1.الكمر والديرة

2.كبل ليله

3.أوراق ومواسم

4.شفاعات الوجد

5.صياد الهموم

6.تل الورد .

• عمل في الصحافة العراقيه وفي الاذاعة والتلفزيون.
• منح وسام اليرموك من جامعه اليرموك في الأردن.
• حاصل على شهادة دبلوم صحافة.
• عضو نقابة الصحفيين العراقيين واتحاد الصحفيين العرب ومنظمة الصحافة العالمية.
• عضو جمعية الشعراء الشعبيين.
• يكتب الشعر بأنواعه في اللهجة الشعبية العراقية والفصحى.

قال عريان السيد خلف:
ولدت في ناحية قلعة سكر على نهر الغراف في المناطق الجنوبية التابعة لمحافظة ذي قار والمدينة أشبه بأجواء ريف وفيها قيم وخلق الريف العراقي الذي يمتاز بالنخوة والشهامة والصداقات الحميمة، والألفة، والأمان، والود، وطبعت في روحي الكثير من الشمائل الجميلة، كما تركت في نفسي آثاراً منها انني سريع الغضب من الأشياء الخاطئة.

بداياتي هي تأثري في هذه البيئة الريفية وهي بيئة شعرية وتعني الفلاحين والفلاحات وأغاني الحصاد، والصيادين وأغاني الرعاة ودبكاتهم، وأصوات الناي اختزلت في ذاكرتي مزيجاً من الموسيقا والغناء والشعر. كان بيت والدي او مضيفه يعج بالشعراء الذين يتبادلون القصائد وكان والدي حينما يتحدث يصمت الجميع لأنه دائماً ما يحكي حكاية ويختمها أما ببيت شعري أو بقصيدة او مثل وكنت أتساءل عن هذا السحر الذي كان يلقيه على الآخرين.

دخلت السجن سنة 1963 عندما كنت طالباً في الجامعة والتقيت داخله بأعظم وأروع الشعراء منهم مظفر النواب والفريد سمعان ومحمد صالح بحر العلوم وصادق العلوي وجميل فهد وعبدالكريم تعبان وعبدالرزاق أحمد أبو ثائر وكثير من الشعراء والمبدعين منهم علي الشباني وناظم السماوي وآخرين، وكنت أنقل من سجن الى آخر ومن سجن نقرة السلمان الى الحلة ثم الرمادي وعدت الى الموقف العام والسجن المركزي في بغداد وأطلق سراحي لعدم ثبوت أدلة ضدي بعد خمس سنوات من الاعتقال وبعدها عملت في شركة المياه الغازية حتى السبعينات من القرن الماضي عندما فصلت لتجاوزي على المدير العام الذي ضرب عاملاً أمامي وثأرت للعامل وتم فصلي ثم عملت في الإذاعة والتلفزيون في قسم البرامج الريفية.

في منتصف السبعينات أصدرت أول دواويني السبعة وهو “الكمر والديرة” وطبع على نفقة مكتبة الشطري في بيروت الذي طبع ديوان شقيقك الشاعر كريم العراقي، للمطر وأم الظفيرة،، بعد ذلك بسنة واحدة ثم طبع ديواني في مكتبة الغري حتى تكررت الطبعات على عشرة آلاف نسخة وطبعت هذه المجموعة خمس مرات ثم بعدها أصدرت “قبل ليلة” ثم “أوراق ومواسم” وفي الثمانينات “صياد الهموم” و”تل الورد” و”شفاعة الوجد” الذي صدر عن دار المسار وهو ديوان مشترك مع الشاعر مظفر النواب. يحتوي ديواني “القيامة” على قصائد كتبت ما بعد التسعين وأولها قصيدة سميت باسمها المجموعة والقيامة بعد انتفاضة 1991 وكيف استباح النظام المدن الجنوبية ومدن الوسط وهدم البيوت واستباح الأعراض.. والديوان من ثلاثة أجزاء. أول من غنى لي في الإذاعة كان المطرب رياض أحمد رحمه الله وكانت أغنية ((سورة)) لحنها كوكب حمزة وحجبت بعد فترة من قبل النظام السابق. ثم أغنية “اتلولحي” وغناها سعدون جابر، وألحان محمد جواد أموري وحجبت أيضاً. ثم أغنية (عيني عيني)” وغناها سعدون جابر وبقيت تذاع وتبث وهي من ألحان محسن فرحان وغنى من شعري صديقك الحبيب قحطان العطار (آه يازماني) و(بالكيف) و(لوغيمت دنياي)..

ودعت الشاعر الكبير وغادرت طريق الشعب الى مبنى إتحاد الأدباء سيراً على الأقدام حيث ينتظرني بعض الأصدقاء في جلسة ((وداعية)) قبل إنتهاء زيارتي القصيرة الى بغداد ومغادرتي الى دبي وأنا مثقل بالذكريات عن عريان وقحطان وكريم والأصدقاء الذين غابوا دون وداع أو من عادوا ليبحثوا عن أيامهم المبعثرة في زمن الصخب والعنف وإختلاط الأوراق.

ما ترتاح لأن سدَّيت اذانك من ضميرك صاح
وهي مزنه ثجيله أو عاصفه أو حالوب
يريد لهن سكف مصبوب موش ألواح
ريح امسودنة بيهَ المعمرة أتطيح

ونته أعواد حلفه أمنيلك سباح
جان الريح شامل والغثيث أيضيع

بس من صفه الحاصل شالك المرواح
بالزرع الجثير أيشيه شوف العين

والنبته الخبيثه أتفوت عالفلاح
ما ترتاح.. من هاج البحر وابعد علينه الكَيش
غادرت السفينه أو خنت بالملّاح
أو حشَّمت العواصف والمطر والروج

لذكرت الربه او لاكلت بيه أرواح
صحبة عمر جانت والعمر دربين

أشو باوَّل الخطوة أو ماي وجهك طاح
أو خاويت العفن والقذر والممروض

أو ماشيت الودر والزفر واللفاح
أو من هاجت الدنيه أوزره أوياك الحال

غطَّوا روسهم والداح منهم داح
ما ترتاح.. لأن ندبه أبضميرك والجبيل أبخيت

والشاره التحركَك عمر ما تنزاح

لوتدري اشكثر تعبــان؟
ألهث والدموع إيخضّر اله السان
تلتم بالدمع سجة عله مدّ الشـوف
وادكَ السوالف بالعتاب ايشـان تعبان!!
أشتم الصبر من واهس المهضــوم
من صبر الشمس.. من شوك المغنين
واحزن ترس حيلي الهم حزن معدان
ما تطفه الشمس ما ينجفي الفنجـان
ما تلتم إديّه بعين هذا وذاك
ماجول الخشب حدر الخشب لولان
ما ولياحد وياحد؟؟؟

ترَ طبع الجروح، الآخ، من تبرد !!!
وآنه وروحي: كفر واسلام
بين السكتة تتوحد
آنه اوياك بدرب جدميـن
نمشي اشما جزانه الحـد
واحس روحي فرح سفان
أهب الريح بشراعه
انه اوياك الهرش والطين
يمتد الهرش لو حوتمت كَاعه
انه اوياك الزمر والبين يتلاكَن

مكَص لودكت الساعة

المرثية الأخيرة
عريان السيد خلف

منايانه غفل والدنية غدارة
وفواتحنة أكثرت والدمع يتجارة
وشارتنا الكبل.. جانت مثل للناس
هسه احنه النخاف اتلوحنه الشارة
جنه اعله المنايا انفوت متعنين
وعله زمور التفك لو ثار نتباره
وجان المشتهينه اندك عليه الباب
ونخلي اعلى راسه الفشك كبارة
وجان الموت يصفن من علينه ايفوت
ومن نصرخ ابوجهه ايبدل افكاره
حزب جان اليمسه ايموت كبل الموت
وعلى هاي الشمايل كبرت زغاره
نمشي ابطولنا وبالفخر متحزمين
ويسورب ورانه التكثر اعذاره
صفينه انشاكف الطك بالاسف والحيف
وندور عالبخيت انلوذ بكتارة
ياموت العفه ارحمني برصاصة موت
ولاعيشن دجاجة بيت دواره

سلام ابايسكله ايدور الولايات
ولا يمشن وراه خمسين سياره
وابو كريم نصير وشعل كردستان
وظلت كل رفاقه اتسولف اخباره
وحسن نايب عريف وغير التاريخ
وثاير ماتحمه ابنار ثواره
وابو محيسن ترف ويخوض ماي الهور
وبدمه الكصب يتعالن اكصاره
ياحزب الفواتح ياطريق الموت
ايمام الما يعور يستحي الزاره
ياحزب الضحايا ... امجتفين اجتاف
نتنطر سرانه يحين مشواره
شني فود النخل لو طال بيه الطول
والارض الخبيثة اتحوش جماره
يبن صالح وحكك.. وحك دم سعدون
وحك ثارك الطاح وما طفت ناره
وحك ضحكة اعيونك والدعابة البيك
ردتك ساعة الطك تنجوي بناره
بس يافشلتي ويا فشلة الحبوك
( جتل خنزير محد ياخذ ابثاره

اوراق يومية

جور..
اشما طفح غيظك على الناس
سليل الظيم الك بالساس نداس
لون تكبر حقد
نكبر علامات
وكذب شمس الظهر بالباع تنجاس
تذل كثره الكصص
حد لطخة الطين
وكصصنه ..
ابشدة التاريخ تنباس
فرق بين اليبيع اسمه وسجاياه
وما بين الوفي
المادنك الراس
ومن بين الحزن والاه والياويل
ومن ركبت طفل..
ما كاوت الميل
ومن بين العطش
والجوع.. والنار
ومن بين الثواجل والمجاتيل
ومن بين الصبر والطيف والحيف
ومن بين الجفوف المالهن حيل
لون ليل الغدر يكبر علامات
نشع نجمة صبح ونشتت الليل..
مهو وحدة الصدى الصادك مع الصوت
وابن ليلة غوه اليتهيب الموت
هلج يا كاع لا ترجف حناياج
يخون اسمه النجه ابروحه و تعداج
ولون هبت عكس ريح التغاريب
وسحب روحه السمه
احنه عيونه اسماج
ذره ايامج كحل واسمج مواويل
ودمنه ايهون الج لو غيرنه انطاج
وحك ليل الجرح والويل والحيل
العثره اشما تصير ايفوته السيل
وحك ملح الخبز والطيب واللون
يمر الموت بينه وما يمرون
والمنازل شرعبت للنار والنار
تشب.. هلبت تفرزن دار من دار
يلطخ صفحة الانجيل كانوص
ويلوث صفحة القران غدار
ويساوم على الشرف والناس جاسوس
ويبيع ويشتري المهزوز الافكار
وحك ملح الخبز والطيب واللون
يمر الموت بينه وما يمرون
وتهون..
اشما طفح ميزانها تهون
الوكت صهوة مهر وتجيب البطون
وعرفنه السلطوا سيف الوصايات
باسمنه شكد حجوا
وشكد يجذبون
وعرفنه الريح من تقسي ويه الاشجار
يوهسا الكطع بالخاويه ودون
الشمس غاية وشرف لليعشك النور
ودرب قرص الشمس من كال مامون
وحك اخر وصيه من اليطيحون
يمر الموت بينه وما يمرون

اكص لساني خاطر ما احاجيك..

ولخاطر ينتهي البينك وبيني
احس العين هسه اتسولف وياك...

يعني شلون اكص لسان عيني!!