قرّب يجي حبيبي
يومين وبيطل أغلى الحبايب ..
قرب يجي حبيبي
زلغط يا قلبي
وفيّق عصفور الفرح النايم..
خليه يزقزق ويغني،
ويسعد كل الخلايق.
قرّب حبيبي يجي
غنج ودلال
لعب وحكايات
وطلبات الحلو
اللي ما اله تاني
جاي عابكير
يعانقي
ويقلي أمي انا اشتقتلك
شو صار فيكي
وشو عملت الليالي ..
رح قله، كله صار وراي..
تعا انت وما عليك
تاضمك بقلبي الدافي ..
خلي التم ساكت
والفرحة تكمل..
بوجودك يا قلبي
ما في همّ
انت بتخلي القهر ساجد..
فيك حليت دنيتي
ومعك بيزيح الوجع
بتتفتح الورود
وبيصير الهنا، وارد.
قرّب حبيبي يجي
